హరి రావే, మాధవా! అచ్యుతా!
జవ సత్వంబులు నీవె , బుధ్ధిమయ తేజంబీవె , ఆలోచనా
జవనాశ్వంబవు నీవె , కార్యగత బీజంబీవె గాదే ! ఇకన్ ,
వివరం బేలర?నేను నీవె , హరి రావే, మాధవా! అచ్యుతా!
నవ నీరేజ లతాంత మాలికల కృష్ణా ! నిన్ను అర్చించెదన్ .
భక్తుల పాద రజము .....
పద్మసంభవదేవి బాహుబంధమ్ముల నలరు శ్రీకృష్ణుని చెలువు వొగిడి , సత్యా వసంతుని సరస సల్లాపాల ప్రణయ గాధల చెలువార తనిసి , రాధికా రమణి చేరంగ రాసక్రీడ సలిపిన మధుర ప్రసంగము విని , బృందావన విహార ప్రియ‌సమాగమ వినుత రస పిపాస విథము దెలిసి , విష్ణు సంకీర్తనా చార్య విమల మతులు , చేరి , వసుదేవ సుతుని , నోరార , పాడి , ఆడుదురు , అట్టి భక్తుల , అమల పాద రజము దొరికిన చాలును , బ్రతుకు పండు .
కామెంట్‌లు
కామెంట్‌ను పోస్ట్ చేయండి